Նախագծի մասնակիցներ՝ 6-9-րդ դասարանի սովորողներ
Նախագծի իրականացման ժամանակահատվածը՝ նոյեմբեր 7
Նախագծի նպատակը՝ վաճառք-դրամահավաք՝ Հայաստանի Համահայկական հիմնադրամին փոխանցելու նպատակով
ՈՒղղությունները՝
. ազգային երգ-պարի ներկայացում
. սովորողների ձեռքի աշխատանքների ներկայացում
. ցուցահանդես—վաճառք
Պատասխանատուներ՝
Նախագծի պատասխանատու՝ Հռիփսիմե Գալստյան
Երաժշտական մասի պատասխանատու՝ Շահանե Պռոշյան
Ազգային պարերի ուսուցում՝ Հռիփսիմե Գալստյան
Տեխնիկական մասի պատասխանատու՝ Վահան Առաքելյան, Մարտիկ
Լուսաբանման պատասխանատու՝ Մարիանա
Դպրցի բակի ձևավորման պատասխանատու՝ միսս Հասմիկ
Իրականացման ընթացքը՝
Առաջին հերթին սովորողին և ծնողին ուղարկում ենք հետևյալ նամակը՝
Ողջույն, սիրելի ծնող-սովորող
Բոլորս այս օրերին ապրում ենք «Ամեն ինչ Արցախի համար» սկզբունքով: Ամուր թիկունքը հաղթանակի հիմքն է: «Եվրոպական վարժարան» հիմնադրամը նույնպես իր ներդրումը պիտի ունենա հաղթանակի կերտման գործում: Այդ նպատակով առաջիկա շաբաթ օրը՝ նոյեմբերի 7-ին, դպրոցում կայանալու է ցուցահանդես-վաճառք, որի ընացքում հավքված գումարը ուղղվելու է «Հայաստան» համահայկական հիմնադրամին: Մասնակցության համար անհրաժեշտ է, որ սովորողներն իրենց ցանկությամբ իրեր վաճառեն դպրոցում: Ցանկալի է, որ այդ իրերը լինեն սովորողների ձեռքի աշխատանքները (կախազարդեր, ձեռագործ աշխատանքներ, նկարներ, գրքեր, քաղցրեղեն, այլ…):
Ցուցահանդեսի անցկացման վայրը՝ դպրոցի ետին բակ
Անցկացման ժամանակահատվածը՝ 13.00-14.00
ցուցահանդես-վաճառքի ընթացքում ծնողները և այլ հյուրեր կգնեն սովորոողների վաճառած իրերը: Շնորհակալ կլինենք եթե դուք նույնպես մասնակցեք բարի գործին: Սիրով սպասում ենք բոլորին:
Հաղթելու ենք միասին:
Սիրով՝ «Եվրոպական վարժարան» հիմնադրամ
Օրվա ընթացք
. Չորեքշաբթի օրը դասղեկները հանգստի ժամին դասղեկի ժամ են ունենում, որի նպատակն է սովորողներին տեղյակ պահել ցուցահանդեսի մասին, քննարկել, թե ինչ իրեր են բերելու, ինչպես են ներկայանալու:
. Ուրբաթ օրը պարոն Մարտիկը դպրոցի ետին բակում տեղադրում է վեց սեղան:
. Ուրբաթ երեկոյան մաքրվում է դպրոցի ետին բակը———
. Շաբաթ օրը ժամը իննից ուսուցիչներն ու սովորողները լինում են դպրոցում, դասավորում սեղանները
. Մի քանի սովորող և ուսուցիչ խոհարարների հետ պատրաստում են հալվա, փոխինձ, Արցախի տատիկ-պապիկի տեսով թխվածքաբլիթներ (տեսնենք, թե ինչ առաջարկներ կանեն մյուսները, խոհարարները)
. Սովորողները կարում են կարմիր, կապույտ, ծիրանագույն հագուստներ
6-րդ դասարանցիներ՝ կարմիր վերնաշապիկներ
7-րդ դասարանցիներ՝ կապույտ վերնաշապիկներ
8-9-րդ դասարանցիներ՝ նարնջագույն վերնաշապիկներ
. Մեկ ժամվա ընթացքում ծնողները շրջում են սեղանների կողքով, գնում քաղցրավենիք կամ ձեռքի աշխատանք և գումարը գցում արկղիկներում
. Սովորողները պարում են «Կարնո քոչարի», «փափուռի» (պատասխանատու՝ Հռիփսիմե գալստյան), երգում «Անունս Արցախ է» երգը (պատասխանատու՝ Շահանե Պռոշյան: Երգի բառերը նախապես դասղեկները ուղարկում են սովորողներին):
Հավաքված գումարը Մարիանայի և Վահանի միջոցով կփոխանցվի «Հայաստան» համահայկական հիմնադրամին